ܚܕܵܐ ܒ݂ܝܼܟܬܘܿܪܝܵܐ ܣܲܓܝܼܡܲܪܕܘܼܬܵܢܵܝܬܵܐ

ܒ݂ܝܼܟܬܘܿܪܝܵܐ ܝܼܠܵܗ ܚܕܵܐ ܡܢ ܫܲܘܬܵܦܘܼܝܵܬܹܐ ܒܘܼܫ ܦܪܝܼܫܹܐ ܘܐ݇ܣܝܼܪܹܐ ܒܐܸܚܕܵܕܹܐ ܓܵܘ ܥܵܠܡܵܐ. ܥܵܡܪܵܢܹܐ ܕܒ݂ܝܼܟܬܘܿܪܝܵܐ ܐܸܬܝܹܐ ܝܢܵܐ ܡܢ ܥܸܠܸܠ ܡܢ 200 ܐܲܬܪܵܘܵܬܹܐ، ܘܟܹܐ ܗܲܡܙܸܡܝܼ 260 ܠܸܫܵܢܹܐ ܐܵܘ ܠܹܥܙܹܐ، ܘܟܹܐ ܬܵܒܥܝܼ ܠ135 ܗܲܝܡܵܢܘܼܝܵܬܹܐ ܦܪܝܼܫܹܐ.

ܫܘܼܠܛܵܢܵܐ ܕܒ݂ܝܼܟܬܘܿܪܝܵܐ ܟܹܐ ܣܵܢܸܕ ܠܚܕܵܐ ܫܲܘܬܵܦܘܼܬܵܐ ܣܲܓܝܼܡܲܪܕܘܼܬܵܢܵܝܬܵܐ ܘܚܵܒ݂ܫܵܢܬܵܐ ܕܟܠܲܝܗܝ ܐ݇ܢܵܫܹܐ ܐܲܝܟܵܐ ܕܟܠ ܚܲܕ ܦܲܪܨܘܿܦܵܐ ܡܵܨܹܐ ܕܫܲܘܬܸܦ ܓܵܘ ܟܢܘܼܫܬܵܐ ܘܡܵܛܹܐ ܠܚܸܠܡܲܬܹܐ ܕܠܵܐ ܚܝܵܪܬܵܐ ܒܡܢ ܐܲܝܢܝܼ ܒܲܬܪܵܝܘܼܬܵܐ ܡܲܪܕܘܼܬܵܢܵܝܬܵܐ، ܠܸܫܵܢܵܝܬܵܐ ܐܵܘ ܬܵܘܕܝܼܬܵܢܵܝܬܵܐ ܝܢܵܐ.

ܫܘܼܠܛܵܢܵܐ ܕܒ݂ܝܼܟܬܘܿܪܝܵܐ ܡܵܨܹܐ ܕܗܲܝܸܪ ܩܵܐ ܟܢܘܼܫܝܵܬܹܐ ܣܲܓܝܼܡܲܪܕܘܼܬܵܢܵܝܹܐ ܒܚܕܵܐ ܡܢ ܕܐܲܢܹܐ ܐܘܼܪܚܵܬܹܐ:

  • ܡܲܩܪܲܒ݂ܬܵܐ ܕܫܘܼܟܵܢܹܐ ܙܘܼܙܵܢܵܝܹܐ ܩܵܐ ܥܵܒ݂ܘܿܕܘܼܝܵܬܹܐ ܟܢܘܼܫܬܵܢܵܝܹܐ، ܘܩܵܐ ܩܘܼܒܘܼܚܝܵܬܹܐ ܕܥܒ݂ܝܼܪܹܐ ܒܫܸܢܹܐ، ܘܩܵܐ ܣܢܲܕܬܵܐ ܕܡܲܪܝܲܙܝܵܬܹܐ ܘܡܲܕܪܲܫܝܵܬܹܐ ܕܩܵܐ ܡܲܠܲܦܬܵܐ ܕܠܸܫܵܢܹܐ ܦܪܝܼܫܹܐ ܘܩܵܐ ܥܵܒ݂ܘܿܕܘܼܝܵܬܹܐ ܐ݇ܚܹܪ݇ܢܹܐ
  • ܡܲܩܪܲܒ݂ܬܵܐ ܕܫܘܼܟܵܢܹܐ ܕܒܸܢܝܵܢܹܐ ܐܸܣܵܝܹܐ ܩܵܐ ܡܲܥܡܲܪܬܵܐ ܕܒܸܢܝܵܢܹܐ ܘܕܘܼܟܵܢܹܐ ܕܪܲܗܲܬܘܼܬܵܐ ܐܵܘ ܩܵܐ ܡܬܲܪܲܨܬܲܝܗܝ
  • ܣܢܲܕܬܵܐ ܩܵܐ ܥܵܒ݂ܘܿܕܘܼܝܵܬܹܐ ܕܡܠܵܝܲܝܗܝ ܝܢܵܐ ܣܢܝܼܩܘܼܝܵܬܹܐ ܕܟܢܘܼܫܬܵܐ، ܒܸܚܒ݂ܵܫܵܐ ܣܢܝܼܩܘܼܝܵܬܹܐ ܕܫܲܬܐܲܣܬܵܐ
  • ܥܵܒ݂ܘܿܕܘܼܝܵܬܹܐ ܒܲܝܢܲܝ ܡܲܪܕܘܼܝܵܬܹܐ ܘܗܲܝܡܵܢܘܼܝܵܬܹܐ ܒܢܝܼܫܵܐ ܠܸܡܚܲܠܘܼܢܘܿܗ ܦܲܪܡܵܝܬܵܐ ܕܡܲܪܕܘܼܝܵܬܹܐ ܘܬܲܘܕܝܼܵܬܹܐ ܦܪܝܼܫܹܐ ܘܠܸܡܚܲܠܘܼܢܹܗ ܣܘܼܙܓܵܪܵܐ ܫܲܘܬܵܦܵܝܵܐ.

ܐܵܦܙܹܐ ܐܲܚܢܲܢ ܟܹܐ ܡܙܲܝܸܚܲܚܠܵܗ ܦܪܝܼܫܘܼܬܲܢ ܒܙܘܼܝܵܚܹܐ ܓܘܼܒ݂ܪܹܐ ܕܒܸܚܒ݂ܵܫܵܐ ܝܢܵܐ: ܡܸܫܬܘܼܬܵܐ ܕܐ݇ܟ݂ܵܠ݇ܪܲܡܫܵܐ ܕܪܹܫܵܐ ܕܘܲܙܝܼܪܹܐ (Premier’s Gala Dinner)، ܫܵܒ݂ܘܿܥܵܐ ܕܦܪܝܼܫܘܼܬܵܐ ܡܲܪܕܘܼܬܵܢܵܝܬܵܐ (Cultural Diversity Week)، ܥܲܕܥܹܐܕܵܐ ܣܲܓܝܼܡܲܪܕܘܼܬܵܢܵܝܵܐ ܕܚܲܝܵܐ ܒ݂ܝܼܟܬܘܿܪܝܵܐ (Viva Victoria Multicultural Festival)، ܘܫܘܼܟܵܢܹܐ ܣܲܓܝܼܡܲܪܕܘܼܬܵܢܵܝܹܐ ܕܒ݂ܝܼܟܬܘܿܪܝܵܐ ܩܵܐ ܛܲܪܩܘܼܬܵܐ (Victoria’s Multicultural Awards for Excellence).

 

Events Calendar

  • 20 Feb

    Su Carrasegare: Beyond the Masks

    more >
  • 24 Feb

    Pako Festa

    more >
  • 24 Feb

    2018 Lunar Dog Year Festival Concert

    more >
  • 25 Feb

    Whittlesea Colour Carnival (Holi and Colour Fun Run)

    more >
find more events here >